World T20 2016 tan Hokolbar nü tenzüktsütsü: ICC

New Delhi, December 09 (Agencies): International Cricket Council (ICC)-i World Twenty20 (T20) 2016 asayamong tenzüktsütsü sentong tan Hokolbar nü India kübok Mumbai yimti nung agitsü sentong renemba osang ka tanü Bodbar nü sangoktsüogo.
World T20 asayamong nüngo sayatsür anogo ishika lir külen ICC-i iba asayamong tenzüktsütsü sentong tan renemer lir.
“ICC World T20 India 2016 Mumbai yimti nung tan Hokolbar nü tenzüktsütsü renemogo,” ta ICC-i par twitter account ajanga metetdaktsü.
Tan Hokolbar nü asayamong tenzüktsütsü sentong agiaka, iba tongti asayamong ya sangküm 2016 küm March ita nungi ang tenzüka India nung asayatsü.
Iba asayamong final Kolkata yimti kübok Eden Gardens nung asayatsü sentonga renema lir.
Kolkata den külemi, Bangalore, Chennai, Dharamshala, Mohali, Mumbai, Nagpur aser New Delhi yimti nunger nung iba asayamong ya asayatsü.