World TB Day 2016 nüngtem nung Axshya Model Village 15 tentet

Dimapur, March 23 (TYO) : World TB Day 2016 nüngtem nung CHAI Project Axshya (TB Project)-i district asem nung Axshya Model Villages 15 lapokogo.
Mokokchung, Mon aser Tuensang district tem kübok aliba yimtsüngtem nung Village Council Members, Village Health & Sanitation Committee, Active SHGs, Village Youth aser Women organizations nunger den TB awareness Campaign atema sendaktepogo, ta District Coordinator, CHAI PROJECT Axshya Mokokchung, Ajanuo Natso-i sangdong ka nung metetdaktsü.
Taküm CHAI Project Axshya-i “UNITE TO END T.B” omen nung ajemdaker World TB Day amungtsü aser iba sentong nung Minister, Nuklutoshi Ao-i Mokokchung nung tongti tesemdanger asütsü mulunga agizükogo, ta Natso-isa shisem.