World Tour sülen AC/DC züngsem Cliff Williams anisüngzüktsü

July 08, 2016: AC/DC nung bassist, Cliff Williams-i par telok ‘Rock Or Bust World Tour’ sülenbo anisüngzüktsü lemtetogo.
Tan par telok kenten sentong September 20 nü Wells Fargo Center in Philadelphia, Pennsylvania nung tembangba sülenbo pai kenten sentong nung shilem magitsü aser ken record masütsü lemtetogo, kechiyong iba telok nung züngsem tejentem- Malcolm Young, Phil Rudd aser Brian Johnson nunger mali.
Iba dak sentakba nung Gulfshore Life den jembidang arishi küm 66 Cliff-i, ”Tesüiba küm 40tashi ni iba ya meteta liasü, ajisüaka iba kenten sentong sülenbo ni tour aser recording nung shilem magitsü,” ta ashi.
“Malcolm-i toktsüba, Phil tia aser tang Brian, iba ya temelenshiba shiruru ka. Iba telemtetba ya shitak ta ni bilemer,” ta paisa ashi.
Iba telok nung tang densema alisang Angus Young-ibo uiba dak setakba nung kecha jembia mali.
2014 küm iba telok co-founder, Malcolm ‘dementia’ timtem ajanga iba telok toktsü aser taoba mapang drummer Phil 2015 küm house arrest asü, aser taküm küm tetenzüklen tongti kentensang, Brian Johnson tenarong nung timtem mejungi adokba ajanga tour nung shilem magitsü lemteta liasü.
Arishi küm 68 vocalist, Brian ‘Guns N’ Roses’ tongti kentener, Axl Rose-i melenzüka liasü.
1997 küm tom nung Cliff AC/DC telok nung aden aser pa iba telok nung adenba sülen mezüng kensepji 1978 küm ‘Powerage’ kensep liasü.