World Vision India-i WASH consultation ayongzüka agi

July 09, 2019 nü Hotel Japfü, Kohima nung World Vision India-i ayongzükba Water Sanitation and Hygiene (WASH) indang consultation sentong nung Commissioner & Secretary PHED, Government of Nagaland, Maongwati Aier, IAS-i jembiba noksa nung angur.

Kohima, July 09 (TYO): World Vision India-i Nagaland Development Outreach aser PHED Nagaland den senteper tanü Hotel Japfü, Kohima nung Water Sanitation and Hygiene (WASH) indang consultation ayongzüka agiogo; iba sentong nung tetushi tejaokerji Commissioner and Secretary PHED, Government of Nagaland, Maongwati Aier, IAS liasü, ta ketdangsertem osang ka ajanga metetdaktsü.
Maongwati Aier-i state tesem balala nung tzü tebilemtsü onüktem atema sorkar departments aser lokti tentettem longjemer inyaktsü nüngdak, ta ashi.
Paisa, tzü kümzüka ayuba aser tzü wazüka ayuba indang onük jembi.
Paisa World Vision India-i northeast region nung tzü, merükmeju aser tanurtem indang health onüktem atema junga inyakba atema pelaba lemsatep. Iba sentong nung panelist temi tanur aser tetsü health, merükmeju aser teka metsükba dang sendakba nung WASH onük nung o lemtep.
Parnokisa yimtsüng aser jila naprongla nung school, hospital aser nüburtem dak sendakba nung WASH onük nung o lemtep.
Associate Director-WASH, World Vision India, Mahesh Nathan-i, “Iba sentong ajanga tzü agi anüngba onük nung rangloker inyaktsü asoshi stakeholders aika anir arutettsü imlar aser ibaji ajanga northeast nung aliba state tem nung tzü agi anüngba tebilemtsü pungbatsü atema lenla aika nungi inyaktsü imlar,” ta ashi.
Iba sentong nung Panelists rongnung – Dr. Neikhrielie Khiamiao, Mission Director, NHM Nahaland, Dr. Longri Kichu, State RMNCH+A Consultant, UNICEF, B. Nelleyyappan Assistant Director, School Edcuation Department, Khrolou Lohe, NSDMA aser Dr. Anjana Purkayastha Sr. Director World Vision India nunger liasü aser onirji Associate Director-WASH, World Vision India, Mahesh Nathan liasü.
Associate Director, PMO Guwahati, Samuel Therieh-i lokti pelaa agizükba o jembi, Dr. Anjana-i okila jembi aser Manager WVI Mon, L. Kohbung-i anküp o jembia liasü.