World Water Day nung DDK-i talk show sayutsü

Kohima, March 20, 2019: DDK nung World Water Day atema sentong agiba sülen (abelen nungi) Menuose-O den mongintem- Supong, Razouvolie Kelio, Wonjambeni aser Khekiho Shohe nunger tangokba noksa nung angur.

Kohima, March 20 (TYO): Doordarshan Kendra Kohima (DDK)-i World Water Day anogomong nung “Leaving No One Behind” omen nung ajemdaker talk show ka March 22 nikongdang 6:00 nung sayutsü, ta osang ka ajanga metetdaktsü.
Water Day anogomong nung panel discussion nung shilem agirtemji- Er. Razouvolie Kelio, SE, Er. Wonjambeni Odyo, SDO, Supong Nukshi (IFS), CCF aser K. Khekiho Shohe, Jt. Director nunger asütsü.
Parnok ajak ya Water Resources Department, Public Health Engineering Department, Department of Environment, Forests & Climate Change aser Soil & Water Conservation Department nungi lir.
“World Water Day” sentong atema nisung pezü den interview agirsangji citizen journalist Menuose-O Khieya (Max) lir.
Küm shia March 22 nü International Water Day anogomong amonger, aser iba anogomong amongba nükjidongji alima tesem ajungalen nisungtem nem tzü dak sendakba onüktem rajemdaktsütsü atema lir.