Wrestlemania 4: Vechita King of the Ring champion kümogo

Dimapur, October 31 (TYO): Vechita Khesoh-i temaba jenjang ngua Naga Wrestlemania 4 – King of the Ring Series 2015 champion tanü Honibar nü kümogo.
Nagaland Wrestling Association (NWA) aser Angami Sports’ Association (ASA) na den tangatettep nung 3E Nagaland teloki ayongba asayamong nung temaba jenjang angusang, Vechita-i champion belt, kulikaket aser senpet sen 75,000 den külemi, motorbike ka tanü agizükogo.
Tanabuba jenjang angusang, Zasevikho Meyatsu-ia senpet sen 50,000 agizüka liasü.
Semifinal nung shilem agitsü jenjang angur melangteper 2, Vekuyi Medeo aser Kekhriezo Nagi naprongla nem senpet sen 20,000 agütsüogo.
Ano külen, Longleng district nungi Bontang Phom-ia junior championship nung mezüngbuba jenjang ngua takok marok den külemi, senpet sen 10,000 agizüka liasü.
Kasa shilem nung tanabuba jenjang angur, Ketohol Raphel Theo nem senpet sen 5000 aser semifinal nung shilem agitsü jenjang angur 2, Mhaseve Resuh aser Petevikho Kuotsu na naprongla nem senpet sen 2000 agütsü.
Metsikolie Zhunyu-ia Best Technique sempet tanü agizüka liasü.
Asayamong shibangba sentong nung tongti tesemdanger, Nagaland Parlimentary Secretary, Youth Resources & Sports, State Lotteries & Music Task Force, Khriehu Liezietsu-i tanü takoker ajunga nem sempet aser senpet sen amoktsü.