WSH-i ozüng tesashitiba agi merenshitsü akhanger

Dimapur, Luroi (August) 4 (TYO): Lotovi village council chairman’er jabaso Kumugha Chishi tepsetba khukhua aitsür ta Western Sumi Hoho (WSH)-i metetdaktsü.
Arishi küm 15 tain Kumugha ji sen yong pur ao aser tepset. Iba mapa inyakertem dang taochi mesayutsüla aser ozüng tesashitiba agi merenshitsü takhangba agütsür, ta WSH-isa ashi.
Asenoki aria bilemtsüba aser tai atokba ajanga asen loktiliba nung ozüng alema mapa inyakertem aser ozüng alema arurtem tasütaitba kümer mapa tamajung inyaker. Asenoki tangatetba shitak nung mapa inyaktsü mapang ka aruogo aser iba atema kobi melii mapa inyaktsü, ta WSH General Secretary, Vikato K. Achumi-i sangdong ka nung ashi.
Asür Kumugha Chishi tepsetertem bail nung mechioktsü atema metetdaktsür aser nisung kari danga parnok bail nung chioktsü atema pa inyakra, iba tebilemtsüji parnoki abentsü, ta WSH-isa metetdaktsü.