WSH-i sorkar dang apu yanglutsü mepishir

Dimapur, September 28 (TYO): Western Sumi Hoho-i Nagaland sorkar tim department dang tang rongdak süa New Showuba aser Vihokhu, aser Nihoto yimtsüngtem tsüngda chirepba apu yanglushitsütsü mepishir, ta Western Sumi Hoho Tir, Zheshito Swu aser tongti tezülur, Vikato K. Achumi nati sangdong ka ajanga metetdaktsü.
Item apu chirepba ajanga Niuland leni aoba lenmang khenyongi makai kümogo, aser ibaji ajanga tang lenmangji Patkai-Seithiekema-Kuhuboto-Niuland ajanga senzütsüsa akumer, ajisüaka iba lenmang ajanga senzüba nung anibelem jenti lir aser ghonda ana agi timba agir; iba tesem nung nübur meyirjang aika aser yim noklang aika atema Dimapur jila den sendaktepba lenmang makai kümogo, ta sangdong nungsa shia lir.
Anungji nüburtem atema WSH-i state sorkar dang item apu yanglutsü atema machineries aser senotsü amshia yanglutsütsü mepishir, ta sangdong nungsa shia lir.