WSSU-i School education department anema lungkak aittsü

Dimapur, October 3 (TYO) : Western Sumi Students’ Union (WSSU)-i akhangba anema School department-i Sumi oshi jembiba tesemtem nung primary school tesayur 13 shimba atema October 5, 2015 nungi WSSU-i lungkak aitba sentong tenzüktsü.

September 30, 2015 tashi nung department-i tawa tesayur 13 shimba agientsü aser oshioben nung ajemdaker tejangja nübo shimang ta takhangba agütsüogo, ta WSSU tir, Atokikho Sumi-i Honibarnü osangbener dang ashi.

WSSU telongtet nung primary tesayurtem shimdang oshioben dak sendakba inyakyim kübok nübotem shimang ta aiben WSSU-i shiyonga arur saka department-i mashi dang tesayurtem shimer, ta paisa ashi.

Iba onük nung ajemdaker October 5, 2015 anepdang 10:00 nungi DEO office Dimapur aser SDEO Niuland nung lungkak aitba sentong tenzüktsü aser department nungi telangzüba tajung mongura Dimapur bandh asütsü akok, ta WSSU tir Atokikho-isa metetdaktsü.