WSYF-i Dr. Kakheto dang pelar

Dimapur, Aami/June 26 (TYO): Western Sumi Youth Front (WSYF)-i Sumi nunger tenüng nung Western Sumi Hoho (WSH) Tir, Dr. Kakheto Zhimomi lenisüba nung par team-i, Namhai Namdi nunger aruba ajanga Aqahuto area nung mepetmesü adokba sülen team-i meranga inyakba ajanga tensa süngjemdaktsüba atema parnok dang pelar, ta WSYF Tir, Mughavi Awomi aser tongti tezülur, Bohoi K Yeputhomi nati sangdong ka nung metetdaktsü.
“Onokisa Chief Minister-i tekaraba nung mera agia ketdangsertemi yoka tensa azüokba ajanga rara adoktsü aliba nungi tensa azüokba atema pelar, mesüra rara adoktsüsa liasü. Tarutsü nunga maneni lenirtemi iba ama inyaktsü onoki imlar,” ta kasa sangdong nung shia lir.