Dimapur, August 24 (TYO) : Mongsenyimtitsür aser Nagaland cooperative societies nung taoba Registrar, Wt.Imtizüngla Jamir ajungbena Mokokchung nung monga lia Hombar nü alima nungi pilaogo.
La ya Nagatsür rongnung lenir aser tashitemetetter ka liasü. Watsü Mungdang nung la ya tongtibang lenir ka liasü.
La ajungbena asüba osang angashia, Watsü Mungdangi mangyim jashi lemsatepba osang ka nung, asür Imtizüngla Jamir ya Nagatsür aser talisa Aotsür atema longzük tajung ka liasü. Lai nübortem aser talisa tetsür jenjang ajungkettsü asoshi kanga meranga inyakogo. Watsü Mungdang nung la ya lenir tajung ka liasü aser tanga laji “Watsü Centre for Women Development” nung tongti ketdangser liasü ta Watsü Mungdangisa metetdaktsü.
La ajungbena iba lima nungi piladokba tesasabaji tebang agi meshitetter. Aji oda, la asüba ajanga Watsü Mungdangbo takoksa tia tuluka ajuruogo ta parnokisa nemjema metetdaktsü.
Iba ama mangyim jashi mapang ya tizüktettsüsa Tsüngremi kinungertem nem Pa taochi, tashi aser anisüngzük agüjang ta sarasademtsür ta watsü Mungdangi metetdaktsü.
La den asüpila sentep sentong lar kidang Aoyimküm, Dimapur nung August 25, 2015 nikongdang 2:00 ako nung alitsü sentong renema lir.
Wt.Imtila alima nungi pilaogo added by asungba on
View all posts by asungba →
You must be logged in to post a comment Login