WTA Elite Trophy: Konta-i semifinal asayatsü

Zhuhai, November 04 (Agencies): Britain tsür, Johanna Konta-i France tsür, Caroline Garcia madak takok ngua, tang tasayadak WTA Elite Trophy tennis asayamong semifinal asayatsü jenjang tanü, Hokolbar nü nguogo.
Tan asayamong nung temaba jenjang abenla, Konta-i tanü break points 4 tashi ajangzüka, points 6-2, 6-2 agi Garcia tsükdaktsüba sülen Ukriane tsür, Elina Svitolina den semifinal asayatsü lemzüka lir.
Tan asayamong nung 3 buba jenjang abenla, Petra Kvitova-ia ace 7 yangluba den break points 6 tashi ajangzüka, ajak agi points 6-1, 6-4 ngua, külem Czech Republic tsür, Barbora Strycova tsükdakja, semifinal asayatsü jenjang ajangzüka liasü.