WTA Finals: Mirza o Hingis na semifinal tongogo

Singapore, October 30 (Agencies): India tsür Sania Mirza aser Switzerland tsür Martina Hingis nati tanü Hokolbar nü takok ngua shilem agiba sülen taküm 2015 asoshi tatembangba WTA asayamong, WTA Finals tetsür doubles shilem indang semifinal asayatsü jenjang ajangzükogo.
Temaba jenjang nung alir, Mirza o Hingis nati tanü ghonda 1 ser minute 30 nung points 6-4, 7-5 ngua Hungary tsür Timea Babos aser France tsür Kristina Mladenovic na madak takok angu.
Tan takok anguba densema, Mirza o Hingis nati asaya asemprongla nung takok ngua points 3-0 anguba sülen par Red Group nung temaba jenjang nguogo.
Spain tsür Garbine aser Czech Republic tsür Petra Kvitova natia tetsür singles shilem indang semifinal asayatsü jenjang tanü ajangzükogo.
Muguruza-i tanü points 6-4, 4-6, 7-5 ngua Kvitova tsükdaktsüba sülen semifinal asayatsü jenjangji angu.
Ano külen, külem sensotsür, Lucie Safarova-i points 6-4, 6-3 ngua Germany tsür Angelique Kerber tsükdaktsüba yong tanü tamakok ajuruaka, Kvitova-i semifinal nung shilem agitsü jenjang ngua liasü.