Singapore, October 27 (Agencies): India tsür Sania Mirza aser Switzerland tsür Martina Hingis nati mezüngbuba asaya koka tang tasayadak WTA Finals tetsür doubles shilem indang tanabuba asaya nung shilem agitsü jenjang yashi Hombar nü ajangzükogo.
Tetsür doubles shilem nung World No. 1 jenjang abener, Mirza o Hingis nati points 6-4, 6-2 ngua tan asayamong nung 6 buba jenjang abener, America tsür Raquel Kops-Jones aser Abigail Spears na tsükdaktsü.
Mirza-i yaküm, 2014 küma Zimbabwe tsür Cara Black den külemi lungjemer WTA Finals tetsür doubles shilem indang takok marok agizüka liasü.
Mirza o Hingis nati Czech Republic tsür Andrea Hlavackova aser Lucie Hradecka na den taruba asaya nung ajuruteptsü.
Indian Wells, Miami, Charleston, Wimbledon, US Open, Guangzhou, Wuhan aser China Open densema taküm 2015 küm tenzüker tanü tashi nung Mirza o Hingis nati külemi lungjemer asayamong 8 tashi indang tetsür doubles takok marok agizüka lir.
You must be logged in to post a comment Login