WTA:Simona Halep-i Madison Keys kokogo

Singapore, October 23 (Agencies) : Deobarnü WTA tetsür kija asaya nung Romania tsür Simona Halep-i America tsür Madison Keys madak 6-2, 6-4 agi kanga junga takok nguogo.
Küm ana tejakdang final tongteta asayala, Romania tsürla ya tang kanga junga asayatetba mapang ka lir aser lai minute 68 tsüngda nung set ana atonga atonga koka Madison Keys madak takok angu.
World number one Angelique Kerber-ia Red Group match nung Slovakia tsür Dominika Cibulkova den asayatsü lemzüker liasü. Parnok group nungi tajungtiba ana taruba hopta semi-final nung asayar teshimtet 8 rongnung dena shilem agitsü.
White Group nungi asayar pezü, Agnieszka Radwanska, Karolina Pliskova, Garbine Muguruza aser Svetlana Kutznetsova nunger Hombarnü mezüng asaya asayatsü.