WTF teloki 2 buba Penalty Shootout takokba nguogo

Penalty Shootout champions, WTF (Mena alirtem); tetushi tesemdanger, Setuo Rutsa; NCSU ketdangsertem aser asayamong tayongertemi aroki agiba noksa ka yangi angur. (Kohima, March 19)

Kohima, March 19 (TYO): Where’s The Food (WTF) teloki temaba jenjang ngua Prodigies Group, Khedi Baptist Church-i Kohima Local Ground nung ayongba 2 buba Open Penalty Shootout championship takokba tanü, Honibar nü nguogo.
Telok shia nung asayar 6 densemba tetoktepba final asaya nung WTF teloki Fore Runners FC telok madak takok ngua 1 buba jenjang angu.
Par telok 2 sülen anidaka, NPF Unit aser Themezie Fellowship KBK nati 3 buba aser 4 buba jenjang ngua liasü.
Champions, WTF teloki takok marok aser kulikaket den senpet sen 30,000 agizük aser 2 buba, 3 buba aser 4 buba jenjang angur teloktemi senpet sen 20,000, 10,000 aser 5000 den kulikaket agizük.
Tan asayamong nung Upper L. Khel NPF Unit telok nungi Banhie-i Best Goalkeeper takokba ngua senpet sen 5000 agizükba osang jangjaogo.
Asayamong lapokba sentong nung Nagaland Youth Resources & Sports, State Lotteries & Music Task Force Parliament Secretary, Khriehu Liezietsu tongti tesemdanger liasü aser asayamong shibangba sentong nung Vice President, Nagaland Contractors’ & Suppliers’ Union, Setuo Rutsa tetushi tesemdanger liasü.