WTO alema inyakba atema India-i US anema ken o 16 benoktsü

New Delhi, May 11 (Agencies): US-i World Trade Organization (WTO) tezüngzüktep balala alema inyakba atema India-i US anema ken o 16 benoktsü, kechiyong United States indang renewable energy sector ji alima linüktem den meputep, ta sorkari Parliament nung tanü metetdaktsü.

WTO tezüngzüktep alema inyakba atema India-i US anema ken o 16 benoktsü asü ta Rajya Sabha senden nung asüngdangba langzüdang Commerce & industry minister, Nirmala Sitharaman-i iba telangzübaji agüja liasü.

Laisa, India-i US indang renewable energy programme temji sub-federal level nung WTO telatetbatem den meputep ta bushiteter, talisa GATT (General Agreement on Tariff & Trade)1994, Agreement on Subsidies & Countervailing Measures aser TRIMS (Trade-Related Investment Measures) den meputep, ta ashi.

Ano tanga tasüngdangba ka langzüdang lai, dispute settlement panel-i bushitetba aser benokba nung ajemdaker India-i WTO appellate body matsüngdang benokogo, ta ashi.