Wuhan Open: Mirza o Strycova na 3 buba round-i iogo

Wuhan, September 28 (Agencies): India tsür, Sania Mirza aser Czech Republic tsür, Barbora Strycova nati par asaya koka, tang tasayadak Wuhan Open tennis asayamong tetsür doubles 3 buba round-i yashi, Mongolbar nü iogo.

Mirza o Strycova nati points 3-6, 6-3, 10-5 agi Canada tsür, Gabriela Dabrowski aser Spain tsür, Maria Jose Martinez Sanchez na 2 buba round nung tsükdaktsü.

Tenati Pan Pacific Open tetsür doubles takok maroka Tokyo yimti nung taoba hopta agizüka liasü.

Ano külen, tetsür singles shilem nung Germany tsür, Angelique Kerber-ia points 6-7 (4/7), 6-1, 6-4 agi France tsür, Kristina Mladenovic 2 buba round nung tsükdaktsüba osang jangjaogo.

1 buba round nung bye jenjang angula, tetsür World No. 1, Kerber-i lar taruba asaya Wimbledon champion, Petra Kvitova den asayatsü lemzükogo.

Serbia tsür, Jelena Jankovic-ia points 6-4, 7-6 (7/2) agi French Open champion, Spain tsür, Garbine Muguruza 2 buba round nung tsükdaktsüba osang angazükogo.

Poland tsür, Agnieszka Radwanska-ia Russia tsür, Ekaterina Makarova madak takok ngua asayaba sülen Denmark tsür, Caroline Wozniacki den 3 buba round asayatsü lemzükogo.