WWC nung India nungeri medal kata mongutet

Paris, August 26 (Agencies): World Wrestling Championships nung India nunger asayartemi medal kata monguteti dang tembangogo. Teburtem 65kg freestyle repechage round nung Bajrang Punia tsükba sülen Indai nunger timla ajak idakji tembang.
India nunger melangtepertemi tang agi kümnabuba World Championship nung medal kata monguteti tembangogo. Yaküm Budapest nung asayaba mapanga parnoki medal kata mongutet.
Tanü Bajrang Round of 16 nung mekokaka pai bronze medal ka akoktsü asoshi maongka tajungka liasü saka pai iba maongkaji magitet.
Tawa Asian championship akoksang Bajrang dak timla tulu liasü saka pai repechage round nung Turky nunger Mustafa Kaya makok. Mustafa-i 3-8 agi Bajrang akok.
Iba asayamung nung bronze-medal play-off tashia India nunger kati danga metongtet.