WWE ji kü kibong: Hulk Hogan

August 29, 2015: Melangteper mongin Hulk Hogan-i 2007 küm kin anema o jembiba ajanga WWE menden buba Vincent McMahon-i pa anendaktsü ajisüaka pai WWE meimer ta ashi.
Hulk-i, “Adianu WWE sa tajungba. Shingaia masüa ta meshitettsü, ni yangji shilem agirtem ajak meimer. Ni par kibong aser parnoka ozü kibong,” ta ashi.
“Vincent McMahon-i mejashidaktsü ner; küna kodang ring telung nung ajurutepdir ibaji Wrestle Mania XIX buba tanaben asayar ka ama asütsü,” ta pai asaya menüa ashi.
Pai küm ti tejaklen par jala Brooke Hogan tetong indang jembidang nema metangtettsü o kar jembiba ajanga WWE den contract raksa aser Twitter nunga nisung aikadi pai iba amala o jembiba atema aitsüogo.
Ajisüaka külem shilem agirtemi nüburtem dang pa pusema, pa yimya angatettsüla ta shiogo aser par jala, arishi küm 27, Brooke-ia tebui pa taküm piyong tajung kechisa shiogo aser inyakogo itemji bilemtettsüla ta nüburtem dang ashi.
Lai, “Pai taküm aika tajung küma melenshitsüogo…asenok ajaki pei kidangbo o tamajung aika jembir. Na lanuwa asüdang nung tanmg tain küma tashi shibai ajungmesoar aji mamatsüla…pei tuluba ta mebilemertem ni meiemer,” ta Twitter nung tebu asayadang asemba süoshi semer tangokba noksa ka inokja lemsatepa liasü.