WWE nung melangteper Chyna kolok tenlatsü

April 24, 2016 : WWE nung melangteper Chyna meyong tekolok science asoshi tenlatsü atema tang inyaktepdar, ta Deobarnü la manager-i ashi.
Tesüiba mapang melangteper mongin aser television sentong nung shilem agila ya Bodhbarnü Los Angeles nung la aliba kidang sür lia angu, ta police-i ashi. La arishi küm 45 liasü.
“Onoki la indang tekolok tenlaner. La kechi agi yamato yakyaka liasü-ar onoki metetner,” ta manager Anthony Anzaldo-i ashi.
Chyna masüdang nungi lawyer temi WWE nung tekolok yiruba ken o ka angadangtsü la dak tejangraba ali asü mali ibaji tendangtsü asüngdanga liasü, ta New York Daily News ajanga metetdaktsü.
La iba ken o nung ashishiteptsü atema masü saka science nem tajangzük agütsütsü atema dendaktsünüa liasü, ta pai ashi.
“La sür külen parnoki (lawyers) ano kü den phone ajanga jembi aser iba mapa parnoki, la indang tekolok parnok nem tenla-ang ta ashi,” ta Anzaldo-i metetdaktsü.
Onoki iba inyakyim takok nguner. Iba inyakyim nung, la asüba asadangertem dang la tekolok tenlatsü asoshi kecha tebilemtsü aser tenokdangba mali ta lar kinunger tsütsü nungi ni jembitsü,” ta pai ashi.
Football mongintem tendangba sülen chronic traumatic encephalopathy (CTE) ngutetsang, Dr Bennet Omalu-a iba tekolok tenlaba maparen nung dena lir, ta Anzaldo-isa metetdaktsüogo .