X-Men Apocalypse film India nung mezüng sayatsü

April 19, 2016 : James McAvoy, Michael Fassbender aser Jennifer Lawrence nungeri shilem agia aliba X-Men Apocalypse film India nung May 20, 2016 nü sayatsü.

Bryan Singer-i direct asüba X-Men tarensen film ya India nung US dang nungi hopta ka jelia sayarba lir, ta Fox Star Studios osang ajanga ashi.

“India nung X-Men tarensen film tem sapur aika dang lir. Ashiba agi Asia rangben nung X-Men film meimer timtibaji India nung lir. Iba film US dang nungi hopta ka jelia India nung sayaba ajanga linük nung iba film sapurtem tanga linüktem dang nungi iba film reprangtsü atema mezüng maongka angutsü, ta Fox Star Studios nung CEO Vijay Singh-i ashi.

Iba film ya Hindi, Tamil aser Telugu oshitem inoka yanglua lir.

X-Men Apocalypse film ano Oscar Isaac, Nicholas Hoult, Rose Byrne, Tye Sheridan aser Sophie Turner nungia shilem agia lir.