‘X-Men’ film tem rongnung ‘Deadpool’ ajanga sen temba aazük

London, April 6 (Agencies) : X-Men movie tem rongnung movie tulutibaji ‘Deadpool’ lir aser iba ya alima nung sen timtiba aazükba R-rated movie jenjang yangluogo.
Ryan Reynolds indang comic kaket nungi yangluba movie ajanga USD 742 million yokzük aser ibaji ‘The Matrix Reloaded’ dang nungi teimba lir, ta Digital Spy osang ajanga metetdaktsü.
‘Deadpool’ film ajanga tang tashi nung USD 754 million aazükogo aser iba film-i tanga X-Men fiolm tem – ‘X-Men Origins: Wolverine,’, ‘X-Men: Days of Future Past’ aser ‘X-Men First Class’ nunger den sen kanga agi teimba aazük.
X-Men film tem rongnung sen teimba aazükba menden tanabuba nung ‘Days of Future Past’ lir aser iba film ajanga USD 747 million aazük. Iba sülen tasembuba nung ‘X-Men: The Last Stand’ ajanga USD 459 million aazük.
Tanüngba X-Men film tem – ‘X-Men’ ajanga USD 296 million aser ‘Wolverine’ ajanga USD 373 million aazüka liasü.