Xiaomi Black Shark 2 sayaogo

Metsüremi/March 23 (Agencies): Xiaomi-i parnok indang gaming smartphone – Black Shark 2 sayaba sangdongogo aser iba handset ya brand indang gaming series tasembuba asütsü.
Xiaomi Black Shark 2 nung Samsung-i yanglutsüba 6.39-inch Super AMOLED screen keta aliba angutsü. Handset nung 430 nits brightness inoka yanglutsüogo. Qualcomm Snapdragon 855 SoC ajanga iba handset power asütsü.
Chipset temperature tajemba agia 14 degree tashi yutsütsü atema handset nung Liquid Cool 3.0 vapour chamber keta lir. Iba chipset den yarisemtsü atema 6GB RAM aser 128GB storage mesüra 12GB RAM aser 256GB storage keta aliba angutsü. Smartphone nung 4000mAh battery keta lir aser charging tsütsü 27W fast charging ajanga nungittsü. Security atema in-display fingerprint sensor inoka yanglutsüogo.
Camera tsütsü reprangdangra, Black Shark 2 tesülen 48MP den F/1.75 aperture dual camera setup den primary sensor keta aliba angutsü. Secondary camera atema 2X telephoto lens aser 12MP sensor densema lir. Selfie jangrartem atema tejaklen 20MP keta aliba angutsü.
Xiaomi Black Shark 2 gaming phone ya China nung sen 32,900 agi ayok tenzükogo. Ajisüaka, India shishilembadak iba smartphone bener arutsü atema osang tejangja agüja mali.