Xiaomi company-i Redmi 4 smartphone sayaogo

New Delhi, May 16 (Agencies): Xiaomi company-i tanü Redmi 4 smartphone tapu asem sayaogo. Item phone tem ajanga shishilembadak Samsung Galaxy J2 aser J5 Prime nunger amala phone den tokteptsü. Parnoki ashiba agi, 4GB RAM aser 64GB storage keta aliba Redmi 4 handset ya Moto G5 dang nungi kanga agi tanükba lir. Parnoki ashiba ya ano mejangja saka Xiaomi-i phone asem ya jenjang kanga dang tajung nung agütsür. Redmi 4 phone asem jenjang ya ka sen 6,999 (2GB/16GB), tanabubaji 8,999 (3GB/32GB) aser tasembubaji sen 10,999 (4GB/64GB) ta alitsü.
Redmi 4 phone tem nung Qualcomm Snapdragon 435 SoC keta lir aser item phone tem May 23 nü anüngdang 12:00 ako nungi tenzüka Amazon.in aser Mi.com nung angutsü. Item phone tem ‘Matte Black’ aser ‘Elegant Gold’ sentsü nung angutsü.
Bengaluru nung alirtem atemabo item smarthphone ya May 20 anepdang 9:00 ako nungi Phoenix Marketcity shopping mall nung Mi Home store nung alitsü angutsü. Maneni iba phone ya mi.com nung sen 1000 yong mekaa yutettsü aser ibaji May 16 nungi tenzüktsü. Koda masü phone temadok nungbo talinürtem shirnoki iba phone tem jilia mekaa ali parnok nem ‘F-code’ ka agütsütsü aser iba ajanga parnoki Mi.com ajanga alitettsü.
Redmi 4 ya dual-SIM smartphone lir aser hybrid sim/microSD card slot keta lir.
Iba phone nung ano Android 6.0.1 Marshmallow keta lir koba Android Nougat-ia upgrade sütettsü.
Maneni phone nung 2.5D glass densema 5-inch 720p display keta lir. Tesülen camera 13MP aser tejaklen camera 5MP alitsü. Battery tashiji 4,100mAh aser microSD card amshia memory 128GB tashi atsülangtettsü.
Connectivity feature tem reprangdangra 4G VoLTE, Wi-Fi, OTG aser IR Blaster densema lir. Iba phone tozükji gram 150 asütsü.