Xiaomi-i Mi AirDots Youth Edition sayaogo

Yimpoksüi/November 09 (Agencies): 2016 küm shishilembadak Apple-i Airpods sayar külen nungi, brand balalai truly wireless earphone tem sayaa arudar.
Tang nüngtugu brand Xiaomi-i parnok indang ‘Mi AirDots Youth Edition’ ta nüngja agütsüba true wireless earphones tasen ka sayaogo. Iba AirDots jenjang CNY 200 (sen 2,100) asütsü.
China nung Mi AirDots Youth Edition jelia mekaa ayutsü atema Xiaomi-i lapoktsüogo aser iba device ya Yimpoksüi 11, 2018 nü nungi tenzüka angutsü.
Device indang earbud nung 7.2mm driver inoka yanglutsü aser device tuozük g 4.2 lir aser aji kanga tepungba asütsü.
Iba den külemi Mi AirDots nung ‘touch-sensitive’ feature inoksema yanglutsü. Ibaji ajanga tamshirtemi music player, call aser digital voice assistant activate asütsü atema control sütetter.
Connectivity atema Mi AirDots nung Bluetooth v5.0 keta lir aser battery arishiji ghonda pezü asütsü.
Tang tashi nungbo, Xiaomi Mi AirDots ya China nungang angutsü