Xiaomi-i Outdoor Bluetooth Speaker saya

Tsüklai/February 18, 2020 (Agencies): India indang nüngtugu smartphone aser smart TV brand Xiaomi-i parnok indang wireless speakers portfolio atsülanga, Mongolbarnü portable Mi Outdoor Bluetooth Speaker ka India nung sayatsüba sangdongogo. Audio experience tajungtiba agütsütsü nükjidong nung, brand-i iba speaker nung 5W power output inoka yanglutsüogo, koba ajanga ola tejangja den bass tulu adokdaktsür.
Sound frequency indang spectrum tuluba agütsütsü mechi, iba speaker nung passive radiator aser diaphragm inokja lir, koba Canadian long fibre pulp vibration film ajanga yanglua liasü. Passive radiator ajanga low frequency timba kümdaktsür, kasa mapang diaphragm ajanga damping system ka ama achaayangtsür, kong vibration nokdanga ola tajungba adokdaktsür.
Iba speaker nung keta aliba button ka nung nemlokja voice assistant – Google Assistant, Alexa mesüra Siri tem command aser access sütetter. Speaker nung Bluetooth 5.0 ajanga user temi music balala ayonga stream sütettsü aser speaker nung tongtibang inyakyim kaji, device nung khen kongshidang phone ‘answer mesüra end calls’ sütsür.
Mi Outdoor Bluetooth Speaker terprangtsü kanga premium lir. Speaker khen charge asünung, 2000mAh battery yagi ghonda 20 tashi music playback (Volume shilem 80 nung) agütsür. Speaker nungsa IPX5 rating den anti-skid edge grip design keta aliba angutsü, koba ajanga tzü nungi tekümzüktsü angur.
Mi Bluetooth Speaker ya sentsü tanak nungang angutsü aser speaker ya Mi.com aser Mi Homes ajanga angutsü. Iba speaker jenjang sen 1,399 asütsü.