Xiaomi Mi A3 Android One Phone sayaogo

Luroi/August 22, 2019 (Agencies): Xiaomi parnok indang Android One smartphone tasembuba Mi A3 linük nung sayaogo. China nunger phone yangluba company yagi iba phone sayatsüba taoba ita Barcelona, Spain nung sangdonga liasü. Phone nung tesülen 48-megapixel primary sensor ka densema triple camera inokja lir aser tejaklen 32-megapixel selfie camera ka den ano Super AMOLED display aser in-display fingerprint sensor keta aliba angutsü.
Handset tasenba 4GB RAM + 64GB storage variant ya sen 12,999 aser 6GB RAM + 128GB storage variant ya sen 15,999 agi angutsü. Xiaomi puri iba phone ya “Not Just Blue”, “More Than White”, aser “Kind of Gray” sentsü nung agütsütsü. Mi A3 ya Amazon India, Mi.com, aser Mi Home stores nung August 23 nü 12:00 ako nungi tenzüka angutsü.
Mi A3 den külemi launch offer kar dena agütsütsü. HDFC Bank credit cards amshitem nem cashback 750 agütsütsü aser EMI transactions asüdang talila sen 250 agütsütsü. Phone alirtem nem ano sen 249 agi recharge asüba sülen Airtel nung call asüba mapang unlimited talk time aser data anasü agi talila agütsütsü.
Mi A3 nem Qualcomm Snapdragon 665 SoC ajanga tashi agütsütsü aser 48-megapixel primary camera sensor ka densema tesülen triple camera setup ka inokja lir. Display tsütsü phone nung 6.1-inch HD+ (1560×720 pixels) OLED panel den aspect ratio 19.5:9. aser Corning Gorilla Glass 5 ajanga tekümzükba agütsütsü. Maneni security asoshi in-display fingerprint scanner ka inokja aliba angutsü. Phone nungsa waterdrop notch ka keta lir kong selfie camera inokja lir.
Photo aser video atema Mi A3 nung OIS medeni 48-megapixel shooter den f/1.78 aperture keta lir. Triple camera setup nung ano 8-megapixel ultra-wide (118-degree) angle camera ka aser 2-megapixel depth sensor ka keta aliba angutsü. Iba den bendenloksema phone nung 32-megapixel front camera ka inokja lir. Mi A3 nung battery tashiji 4,030 mAh asütsü. Iba battery ajanga 18W charger support asütsü aser 10W charger ka dena angutsü.