Xiaomi Redmi Note 4 sentsü tanak March 1 nung angutsü

February 23, 2017 (Agencies): Taoba ita sayaba Xiaomi Redmi Note 4 sentsü tanak nung yangluogo, aser March 1 nung ayok tenzüktsü. Xiaomi Redmi Note 4 sentsü tanak nung adoka aliba ya e-commerce site Flipkart and Xiaomi indang site Mi.com nung teroto 12 ako nungi ayok tenzüktsü.
January nung Redmi Note 4 sayadang Xiaomi company-i iba phone sentsü tanak nung yanglutsü nangzüka liasü. Iba mapang nungi tang tashi nung Redmi Note 4 ‘gold’ aser ‘grey’ sentsü nung dang talitsü ngua liasü.
Redmi Note 4 ya kanga dang nüngtugusa ayokba Redmi Note 3 den tadongtep phone lir. Iba Phone 2GB RAM aser 32GB ROM aketba sen jenjang 9,999 nungi tenzüka tanga tanüngba phone tem lir. Note 4 32GB aser 3GB RAM version sen jenjang 10,999 lir, aser 4GB RAM+64GB storage version Note 4 jenjang 12,999 lir.
Xiaomi Redmi Note 4 feature tem yamai lir; 5.5-inch Full HD display, 2.5D arc, 2GHz Octa-core Qualcomm Snapdragon 625 processor, tesülen camera 13MP nung PDAF, f/2.0 aperture aser tejaklen 5MP camera, battery tashi 4,100 mAh densema lir.