Xiaomi Redmi Note 7, Redmi Note 7 Pro atema Jio puri offer agütsür

Metsüremi/March 8, 2019 (Agencies): Xiaomi puri tawa India nung Redmi Note 7 aser Redmi Note 7 Pro sayaogo aser tanga smartphone sayaba mapang mobile operator temi offer agütsüba ama iba phone ana nunga offer agütsür.
Redmi Note 7 aser Redmi Note 7 Pro aliba mapang Reliance Jio puri sen 198 aser iba dak nungi temai recharge süra data double agütsür. Maneni iba phone amshirtem nem sen 299 agi recharge süra cashback vouchers sen 2,400 alang offer agütsür koba tamshirtem indang MyJio wallet nung inoktsütsü.
Kasa mapang nung Airtel puria Redmi Note 7 aser Redmi Note 7 pro customers tem nem double data benefit agütsür. Airtel indang sen 249 alang recharge asürtem nem anogo shia data 2GB melena 4GB agütsütsü aser iba den unlimited voice calling aser Airtel TV subscription angati agi agütsüba amala offer densema lir. Airtel indang sen 349 alang recharch asürtem nem 3GB melena 6GB agütsütsü aser iba den tamalen shisema aliba kasa offer agütsütsü.
Redmi Note 7 tesülen glass keta lir aser 6.3-inch full-HD+ (2340×1080 pixels) display den 19.5:9 aspect ratio, waterdrop notch keta lir koba Gorilla Glass 5 agi tekümzükba agütsür. Iba phone nung tashiji Qualcomm Snapdragon 660 octa-core processor ajanga agütsütsü aser 3GB+ 32GB inbuilt storage aser 4GB RAM+64GB inbuilt storage options nung angutsü.
Iba phone nung microSD card slot (256GB tashi atsülangtettsü) ka inoktsü atema option agütsür. Phone tesülen dual camera setup ka inokja lir saka Chinese version nung 48-megapixel Samsung ISOCELL GM-1 sensor aser 5-megapixel depth sensor keta aliba melentsüogo. Iba melena 12-megapixel sensor den secondary 2-megapixel depth sensor ka inokja aliba angutsü. Phone tejaklen China variant nung keta aliba ama 13-megapixel camera ka inokja lir. Camera app yagi camera performance tajungba kümdaktsütsü atema artificial intelligence (AI) amshir aser iba nung portrait mode, smart beauty features, aser scene recognition amala features tem densema lir.
Tanungba feature tem rongnung 4,000mAh battery den Quick Charge 4.0 support, phone tesülen fingerprint sensor, USB Type-C port, 3.5mm audio jack, Wi-Fi 5, Bluetooth 5.0, Infrared aser dual-SIM support densema lir. Iba smartphone ya Onyx Black, Ruby Red, aser Sapphire Blue sentsü nung angutsü.
Redmi Note 7 Pro nunga tesülen glass den ‘Aura Design’ ka inokja lir. Iba phone nung 6.3-inch Full-HD+ display den 19.5:9 aspect ratio aser dot-notch ka keta lir. 7 Pro nung ano tesülen aser tejaklen naprongla 2.5D curved Gorilla Glass 5 inokja lir. Phone nung Qualcomm Snapdragon 675 processor keta lir koba tawa Vivo V15 Pro nunga sayaa liasü. Iba phone ya 4GB+64GB aser 6GB RAM+128GB inbuilt storage option nung angutsü aser iba den microSD card slot ka inokja lir koba 256GB tashi atsülaanga amshitettsü.
Phone tesülen 48-megapixel primary sensor den f/1.79 aperture aser 5-megapixel secondary depth sensor ka keta lir aser tejaklen 13-megapixel camera ka keta lir. Tanungba feature tem ajak kasa dang asütsü. Redmi Note 7 Pro ya Neptune Blue, Nebula Red, aser Space Black sentsü nung angutsü.