Xuan Zang sülen China-i India den külemi film yanglunür

Kolkata, November 13 (Agencies) : Mezüngbuba Sino-Indian joint production film- Xuan Zang yangluba sülen China-i tarutsü nunga külemi film yanglunür.
“Asenok collaborations teimba akümer aser maneni film nung Indo-China collaborations linür” ta Film Bureau of China deputy director general, Zhou Jiandong-i ashi.
Xuan Zang film ajanga Chinese monk Xuan Zang-i küm 17 tashi India nung senzüba otsü ashir. Pai China-i Buddhism bener aotsü atema India semdang.
Taküm küm tetenzüklen Sino-Indian film ya China aser Indian theatres nung saya.
Zhou Jiandong ya tang 22 buba Kolkata International Film Festival nung adentsü atema arua lir. Pa den külemi nung China nunger film yanglurtem nungi teshimtet telok ka arua lir aser iba benjung nung China indang film 7 sayutsü.
Taküm küm tsüngda Chinese Yuan 35.6 billion endoka China nung feature film 608 tashi yangluogo, ta Jiandong-isa metetdaktsü.