XXI buba MDFA marok Fusion-i benogo

Mokokchung, October 24, 2015: XXI buba MDFA asayamung nung takok angur, Fusion S/C pur senpet agizüker külen tongti tesemdanger Parliamentary Secretary Khekaho Assumi aser MDFA ketdangsertem den külemi tangokba noksa nung angur. 

Mokokchung, October 24 (TYO): Honibarnü yangi Imkongmeren Sports Complex Mokokchung nung final match yaküm takok ngua alir Fusion S/C o Shitilong S/A na asayaba nung Fusion-i goal 2-0 agi koka taküma parnokisa XXI buba MDFA marok bener ogo.
Champion team nem asayamung marok den kuli kaket aser sen lakh ka senpet agütsü aser runner-up nema senpet tanga den sen 60,000 agütsüogo. Semi final atonger (N.U Lumami aser Dilong S/A) telok shia nem sen 15,000 agütsü.
Tanü Fusion o Shitilong na final match asayadang, tenzüker minute 7 dang orr lia Shitilong puri penalty ka mena aser iba penalty-ji Fusion nungi Jersey No-18, Khekrietsira-i metsüa parnok telok asoshi mezüng goal yok. Asaya tesadang tashi 1-0 nung tembang.
Tanabuba asaya tesadang tenzüker minute 65buba nung ano Fusion nungisa Jersey No-10 Athing-i cross ball ka tekolak agi goal nung tongokja Fusion asoshi tanabuba goal yoka 2-0 aküm.
Tanü iba asayamung shibangba sentong nung Parliamentary Secretary IPR, Khekaho Assumi tongti tesemdanger liasü.

Taküm nija senpet angurtem yamai:-
Asayar rongnung tanubusang –
Youngster’s F/C nungi arishi küm 15 tain Moawapang
Goal timtiba yoksang – Arrjusanger F/C nungi Nokcha
Defender tajungtiba – Fusion FC nungi Bendangmeren
Goal keeper tajungtiba – Dilong Y/A nungi Nungsangyanger
Most Promising Player – Youngster’s FC nungi Meyasengba
Ajak dang asayar tajungtiba – Shitilong nungi Sakutemjen
Best Discipline Team – Elation Sporting Association.