‘XXX: Return Of Xander Cage’ movie asoshi Vin Diesel-i alima ajunga asem

January 09, 2017 (Agencies): Vin Diesel mezüng buba xXx movie sülen küm 12 lir “XXX: Return of Xander Cage” nung shilem agir. Iba film tasenba nung alima ajunga nungi shilem agitsüpurtem kanga kümdanga shimer yanglu.
International noksa ka agütsütsü asoshi actor tem sobaliba balala nungi iba film asoshi shim.
Alima ajunga nungi actor tem anidena film yangluba ya Vin Diesel-i Fast and Furious film yangludang nungi tenzük, saka xXx atemabo pai chijia alima ajunga sema actor tem bushia senzü.
“Ni sobaliba balala nungi anidena movie yangluba ya Fast and furious nungi tenzük, koba takok liasü, saka xXx movie nung ni iba ya jenjang tasen kati ajungketner. Iba sobaliba balala nungi actor tem anidena yanglutsüba sentong ya California nung aliba actor tem masü, saka alinük tesem balala nung film yangludak balala nungi parnok linük actor tem anitena yangluner,” ta pai ashi.
Film nung shilem agitsüpur rongnungi Donnie Yen Hong Kong nungi, India tsür Deepika Padukone, Kris Wu China nungi aser nüngtuku Thai nunger zükteper (martial artist) Tony Jaa, parnok tena lir, iba den külemi Australia nungi Ruby Rose aserToni Collette, Rory McCann Scotland nungi aser Englang nunger UFC asayar Michael Bisping tensema lir.
Xxx: Return of Xander Cage January 20, 2017 nü alima ajunga nung sayatsü.