Y Patton-i masks aser hand sanitizers agütsü

Dimapur, March 31 (TYO): Nagaland Deputy Chief Minister, Y. Patton-i Mongulbarnü Department of Health & Family Welfare aser Police Head quarter nem masks 7000 aser hand sanitizers 1400 tashi agütsüogo.
“Nagaland nung Covid-19 anema security forces aser health workers-i kanga dang anibelem arema mapa inyaker aser iba atema tenüngsang agütsür,” ta tanü Y Patton-i ashi.
Principal Director, Dr.Vizolie Z Suokhrie aser Nagaland DGP, John Longkumer IPS naprongi Deputy Chief Minister dang pelaba metetdaktsü.
Y Patton-isa nübortem dang sorkar den amalitepa yariteptsü aser state ajunga shibangba takok ngua inyaktettsü atema ayongzük.
Tanü Y Patton’er kidang mask aser hand sanitizer agütsüba mapang Health & Family Welfare Minister Pangyu Phom, PHED Minister Jacob Zhimomi, Higher & Technical Education Minister Temjen Imna Along, Soil & Water Conservation Minister Kashiho Sangtam, Advisor tem, Home commissioner, Special Secretary (Home) ADG Law & order, Secretary Health & Family welfare aser Health & Family Welfare o Home Department ketdangsertem den media nisungtem aden.