Y Patton-i Parade aser Regimental display reprangdang

Dimapur, Yimpoksüi (November) 17 (TYO): December 1, 2018 nü Nagaland Statehood day amungtsü aliba atema tanü Deputy Chief Minister aser Home, National Highways Minister Y. Patton-i Nagaland Police indang Parade aser tanga Regimental displays reprangdang.
NAPTC Parade ground nung tanü pai DGP Nagaland, John Longkumer, IPS aser tanga ketdangsertem den Parade aser displays reprangshim.
DGP aser pai kübok teloki parade aser regimental display kanga junga agiba atema Patton-i tenüngsang agütsü.
Paisa parade nung shilem agir aser magir ajak nem tenüngsang agüja jembidang “uniform service nung tebilemtsü keta lir aser Nagaland Police ama tangari akhümtsübuba police nung züngsem ka ka ama tangatetba tajung nung shilem agitsüla” ta ayongzük.
Patton-i pelaba tamaitsü sayua parade nung adener ajak asoshi sen lakh 2 agütsü.