Ya melenshi nung koda ?

– Aienla Ao.

1. Shiranga hospital nung senzüdang sentsüh tsüloka, ali takaba ajak yoka yarir, majung, asü nung, tasüba tenüng nung ta sür tenla agütsüba.
2. Sadi dang kibong tenzüka aotsü atema teyari agütsüba nungi ter shilem agütsüba, kibong tasen tepela tenla ta sür agütsüba dak alema.
3. Tantsür tambur kümer ghonda junga amendang metsümeshilen senzür, anungji tantsür tamburtem sentep kidang yakpang nung mener luli atuli ta senzüba dang nungi kishi anasa amenba tajungba.
4. Kiyir benjong aser asüpila sentong nung talanglang jembiba yimya.
5. Tekülem nung sentong lenir-i, kü nem maongka agütsüba asoshi pelar ta nisung tenüng sanga nokdakba.
6. Tekülem tenzüka temoatsü meshia sarasademtsü agütsü nung, alima ajak awashia ghonda junga sarasademba yimya.
7. Sentep kidang nür menden ta bilema menur aruyonga ajidang bushia aoba yimya.
8. Tenla molok ya rongsen dang masü, nü molungjang teraksa inoktsü nunga Tsüngremi agizüker ta meteta sarasadema inoktsür, saka iba tenla molok nung, nai majinüba staff & tenzüker melenshitsü atema zülur inoktsüba. Item melenshitsü asoshi letter box lir ta mamadokli.