YAA-i mokdangba agiener; jubilee Jan 14 nü amongtsü

Kohima, Jan 6 (TYO) : State sorkari mepishiba ama Yimchungrü Akherü Arih-Ako (YAA) teloki mokdangba sentong agienogo aser parnok Golden Jubilee sentongjia Shamator nung January 14 nungi 17 tashi agitsü telemtetba agiogo.
State cabinet-i mepishiba sülen yasüng senden ka lia iba telemtetba ya agi ta YAA tir Wb. Akiuba TS-i metetdaktsü.
Akiuba-isa ashiba agi, yashi Cabinet Meeting nung lemtetba nguli, YAA rongdak senden ka jatepa jembi aser state cabinet-i mepishibaji agizüktsü lemtet .
Anungji, anogo telemtet ka maka, Yimchungrü lima ajunga mokdanger aliba sentong agiener aser golden jubilee sentonga January 14 nungi 17 tashi alitsü saka tesembo memelenshir ta paisa metetdaktsü. Ibai nübortem ajak tipdema yimjung nung alitsü asoshi bilema inyakogo ta parnokisa metetdaktsü.
YAA jubilee sentong ya January 7 nungi 10 tashi Shamator nung agitsüba liasü.

You must be logged in to post a comment Login