Yadav-i ‘Swaraj India’ party tentetogo

New Delhi, October 02 (Agencies): AAP nungi jentokba lenirtem- Yogendra Yadav aser Prashant Bhushan nati tanü yimtenren party tasen, ‘Swaraj India’ tentetogo aser iba party-i Delhi civic election nung tokteptsü saka sangküm Punjab assembly election nungbo metokteptsü ta metetdaktsü.
Yaküm April ita AAP nungi jentokba sülen Yadav aser Bhushan nati Swaraj Abhiyan tenteta liasü.
“Onok yimtenren party ka lir, anungji onoki election ajak nung tokteptsü ta mali,” ta parnoki ashi.
“Front ka tenteta alisang Dharamvira Gandhi (anentsüba AAP MP) onoki pusemtsü. Onoki MCD election nung tokteptsü,” ta tenatisa ashi.