Dimapur, January 24 (TYO) : January 23, 2016 anogo nung Assam nungi adokba osangkaket ‘The Sentinel’ tapak 8 nung Akhochisa tesem nung tea garden kibur tenüng agi Mrs. Portgon Gogoi Rumkum bosti AKASO NGOs nung president inyaker par bakan biga 3 shi Yajang nungeri lendoktsü ta adokbaji tiyazü kuli adoktsür ta Yajang C Village Council-i aitsüogo .
“Yaküm, 2015 February 5 anogo nungi tenzüka tanü tashi koba Yajang nunger temeden lir nung Assam nungeri tashiyim amshia ali rakzüka atur iba tatalokba nung Nagaland sorkari shilem ana agiteta telemtetba ka maru tashi ken meinyaki atang ta ashiba ama tanü tashi Yajang council aser public ajaki tashi anga dang lir,” ta Yajang C Village Council Chariman, Imtionen Aier-i sangdong ka nung metetdaktsü.
Ano külen, Assam/ Nagaland BPCC ajanga Rumkum bosti den yimjung olemtep ka akatsü asoshi tang tejembidak lir, anungji iba ken o tejembidak nung kodaser Yajang nungeri bakan aleptsü, aser anogoshia NAP patrolling public protection atema jajadar, anungji Yajang nungeri shitak tashi anga dang lir nung kodasür Yajang nunger tenüng menükba aser aija Assam nunger osangkaket nung adoktsü. Iba inyakyim Yajang Council-i kukua aitsür aser iba ken o asoshi sorkari kanga junga bushisüngdang südaktsünür, ta Imtionen Aier-isa sangdong nung shia lir.
You must be logged in to post a comment Login