Yakta bushir ka süang

O Tsüngrem, na kü Tsüngrem lir, ni Na yakta bushitsü. T. Ken 63:1
Mapa tajungba inyaktsü asoshi nai tebilemba kar agütsüner asü? Yakta saker ka süang! Aji shidak; ne anogo mapa metenzükdang tama Tsüngrem den mapang agiba jagi nü sasa tashi ngua nü mapa meimlaba lenmang nung takok ngua inyaktettsü. Alima nung nüngtugu takok angurtemi yamaji inyak.
Isaiai yamai zülu, “Kü nela agi ni na aonung jangraa ali, au, kü telunglen tanela agi ni na yakta bushitsü: kechiyong kodang nü obendangba alima nung lidir, alima nung alir nisungtemi temeshiba angazüker.” (Isa. 26:9). Yisu Khristai anepdang yakta saker mesangwa dang azüngmeyakdaki or sarasadem. (Mk. 1:35).
Nai iba telungjem tepelaji aginera, nai iba tazüokba jagi na azüokdakjang. Nai TV ji shibanga yur yakta yipteni aotsü aser anepdang yakta saktsü. Nai yamaji inyakra, ibaji temelenshi tulu rongnung ka asütsü. Nai inyaktetba mapa tulu rongnung ibaji ka alitsü. Idakji tatalokba asem alitsü:
1) Ne mulung yimjung tesünep tuluba alitsü kechiaser nai nü tashi nung metaloker malir.
2) Anogo tenzükdang nai Kibuba nem agütsür tenzük nungji anogo tepiyong Pa atenba nai metetta alitsü.
3) Nai Pa den sendaktep nungji ne dang sayutsü, tashi tasen agütsütsü aser nai inyakba ajak nung takok agütsütsü. Aji bilemdangang!
Ya merangdangang- Iba nungi adokba nung nai süngmangtsü.