Yakub-i maneni pa dang taochi sayutsü lenamgn bushir.

New Delhi, July 23 (Agencies): 1993 küm bomb aika pokdaktsüba ken o nung tan ita 30 nü alenseta südaktsütsü obendang agütsür alisang Yakub Abdul Razak Memon-i tanü Supreme Court dang inyakyim ajakbo ano metembang anungji pa nem obendang agüja aliba sota atang, ta mepishiogo.

Abdul Razak Memon-i taochi meshia shidi züluba July 21 nü Supreme Court (SC)-i magizüki liasü.

Memon ya July 30 anepdang 7:00 ako nung pa tang puoka aliba Nagpur Central Jail nung lisü agi alenseta südaktsütsü sentong lir.

Memon-isa pa tembishiba shidi nung Supreme court dang, pa asoshi takoktsü inyakyim ajakbo metembang aser pai Maharshtra Angh dang taochi meshiogo, ta ashi.

1993 küm March 12 nü Mumbai nung bomb 13 pokdakja amakdang nisung 350 asü aser nisung 1,200 tashi yiruba ken o nung March 21, 2013 nü SC-i Memon tasüba agi merenshitsü obendang agütsübaji reprangshimtsü atema Memon-i mepishia kiasü.