Yaküm India nung tesempa agi inyakba ken o 218 liasü

New Delhi, March 05 (Agencies): 2018 küm India nung tamangba yimsü nung minority tem aser Dalit nunger anema tesempa agi inyakba ken o 200 dak tema liasü, ta tanü Amnesty India-i metetdaktsü.
Amnesty India-i parnok indang website nung ‘Halt the Hate’ ajanga ashiba agi, India nung tangar memenepba teloktem anema tesempa agi inyakba ken o aika liasü, aser item rongnung Dalit nunger, Adivasis, tamangba yimsü nung minority tem, enoch aser bendangertem liasü.
2018 küm tesempa agi ozüng alema inyakba ken o 218 liasü, aser item ken o rongnung ken o timtibaji Dalit nunger anema inyakba ken o 142, Muslim nunger anema ken o 50, Khristantem anema ken o ti, Adivasis anema ken o ti aser enoch anema ken o ti liasü.
India kübok states aser union territories rongnung tesempa agi ozüng alema inyakba ken o timbaji Uttar Pradesh nung liasü, iba sülen Gujarat, Rajasthan, Tamil Nadu aser Bihar state tem lir, ta Amnesty India-isa metetdaktsü.
Taküm agi küm asembuba atonga Uttar Pradesh nung item ama ken o timba liasü.
2017 küm item ken o 50 liasü aser 2016 küm item ama ken o 60 liasü, aser ibaji ajanga yaküm item ken o tali buluba jangjar.