YAM & Sinai Ministry nati asentenshi ayonger

Dimapur, October 30: Youth Alive Ministry (YAM), Grace Family aser Sinai Ministry longjemer  asentenshi sentong ka “Movers & Shakers”  omen nung ajemdaker  November 4 -6, 2016  nungi akatsü, anungji  iba sentong nung ajak pelashishi jaoker ta YAM Director-i sangdong ka ajanga metetdaktsu.
Taküm küm tenzüka arudang, Mokokchung Town nung aliba Combined Ministry-tem nem Tsüngremi mangdang tulu agüja “Revive Mokokchung “(Theme: Heal Our Land” 2 Chronicles7:14) ta sür anogo tenet(7) nü asentenshi sentong kaa Mokokchung town aser temeket nung aliba lanur merijang aika tanela nung temoatsü tulu nguogo, ta YAM Director-i sangdong nung shia lir.
Ajioda, kasa asentenshi sentong koba taruba ita nungi tenzüka agitsü lir, iba sentong ajanga lanur aika temoatsü angutsü ta tamang akar, anungji iba sentong takok angutsu asoshi ajaki sarasadema atadi,  ta paisa ayongzük