Yamaha Fascino sentsü tasentem sayaogo

New Delhi, Rongchii 10 (Agencies): India Yamaha Motor Pvt. Ltd. (IYM)-i tang teyokdak Fascino scooter sentsü tasentem sayaba sangdongogo.
Ajisüaka, Fascino scooter ya sentsü tasen adokba dak alaka mechanical tsütsü temelenshi kecha malitsü. Yamaha Fascino ya Glamorous Gold aser Dapper Blue, ta sentsü tasen ana nung angutsü.
“Yamaha-i mapang shia parnok indang product tem atema upgrade tasentem agütsür. Fascino scooter sayaba mapang nungi iba scooter ya talirtem kanga sapua nüngtugu süa aruogo aser talirtemi nükshitsüsa company-i, scooter ya advanced features technology inokja aser stylish appearance nung yanglutsü. Aiür aser asangur temi fashionable aser trendy scooter den külemi comfort aginüba ama Fascino scooter nung features tem abensa inoka yanglutsüogo,” ta Yamaha Motor India Sales Pvt. Ltd, Sales & Marketing, Senior Vice President, Roy Kurian-i ashi.
Item scooter sentsü tasentem nunga taoba ama kasa air-cooled, 4-stroke, 113 cc engine den continuous variable transmission (CVT) keta aliba angutsü. Iba scooter nung CVT yagi totzü atsükba tajemba kümtsür aser company-i ashiba agi totzü litre kati km 66 tashi anitetter. Comfort aser storage functions den bendenloka, Fascino ya body styling aser dynamic curves design nung yanglushitsüogo. Fascino emblem tasen ka den külemi scooter tejaklen chrome-plating keta aliba angutsü. Iba scooter nung Blue Core engine den yarisemtsü atema high combustion efficiency inoka lir aser scooter tozük ya seret 103 dang lir. Ibaji ajanga, scooter yagi totzü tajemba atsüker aser tanishirtemi kanga ayonga anitetter. Yamaha Fascino tejaklen aser body tema nung graphics styling tasen inoka yanglutsüogo. Talirtem atsütsüsa, seat-cover nung dual tone sentsü inokja lir aser seat tesülen grab-bars ajungketa yanglutsüogo. Yamaha Fascino jenjang ya sen 54,593 (ex-showroom, Delhi) asütsü.