Yamaha-i sen lakh 10.2 alang ‘Roadster Motard – MT-09’ bike sayaogo

New Delhi, February 04 (Agencies): Japan meyong tetsüng ana aketba gari yanglur, Indian Yamaha Motor-i India market nung parnoki yanglutetba superbike tem ajungkettsü asoshi ‘Roadster Motard – MT-09,’ motorbike tasenba, tan Auto Expo 2016 nung sayaogo.

Iba bike ya ex showroom Delhi jenjang nung sen 10,20,000 agi ayoktsü. Iba bike ya 847cc lir aser iba tetsüng ana aketba gari nung liquid-cooled 4-stroke, in-line triple-cylinder aser fuel-injected engine keta lir aser item ajakji ABS technology ajanga amshir.

Roadster Motard – MT-09 ya Indian Yamaha Motor (IYM)-i bendanga yanguba lir aser Race Blue o Matt Grey sentsütem nung angutsü.

MT-09 sayaba dak sentakba nung Yamaha Motor India Sales, Managing Director, Masaki Asano-i, “Linük balala nung takok anguba sülen onoki kanga pelaseta MT-09 bike India market asoshia sayar. Iba sayaba ajanga India nung bike amishirtemi jangraba onoki ataloktsüba sayur. MT-09 ya lanurtem asoshi yangluba lir kechiba süra iba bike nungi totzü ajema atsükba dang masü saka tanishirtema jangratemdaktsür,” ta ashi.

“Taküm küm ya onok asoshi kanga junga tenzüktetogo. India ya onok asoshi tongtibang market ka lir aser onok dang aliba bike amshirtem temulung süa aser jangratema amshidaktsütsü atema onoki kanga meranga inyaker,” ta pai shisem.

You must be logged in to post a comment Login