Yangkü Juli Meyipdakjang

“Kechiaser kong ne rongsen lir yangji ne mulung alitsü.”  -(Mathi 6:21)

Nisung ka indangji pai agütsüba mesüra magütsüba nungia nai shitettsü. Jentipuri agütsüba nung shilem tajung agir, saka ano aikati agütsüba nung shilem magir. Agütsüba mapa ya maongka ka lir, aser shiri iba tangatetba nung benshidir agütsüba nung shishia mebilemer. Saka shiri agütsübaji maongka ka ama mebilemer tera ka agütsübajia pei shi nungi mesükzüka agütsür ama shishia bilemtsü.
Nisung kari yamai ashi, “temulung meyipba jenjang asem nung angutsü- mezüngbuba nung temulungjang, tanabuba nung tangatetba aser tasembuba nung sen juli (wallet).”
Atangji, asen mulungjang melenshir, tangatetba melenshir saka agütsüba nung tejang tajung matanger, kechiaser sen julibo memeyip. Agütsüba nung Laishiba tesayuba ka lir aser aji nai agütsüra nü dangisa meyipa arutsü (Luk 6:38). Aji asünung, nü senjuli nung aliba senji nai magütsüi rizünga ayuba ajanga alir asü nai agütsüba ajanga nü dangi meyipa moatsüba? Nai-a shisadangang.
Agütsüba agi na takar akümtsü merangang.
O Kibuba, nai moatsüba nungi ni tangar dena lemsateptsü aser yariteptsü kü sen juli amshiangma. Amen.