Yanglur mesüra raksar

Nenok tebang nungi o tamajung ka danga tadokdaktsü. Saka tenüngdaktsü ama to kechi yangluloktsü asoshi tajung lir, tangashirtem nem taochi agütsütsü aji jembiang. Efesa 4:29.

Pauli Efesa nunger dang parnok Khrista nung kechi jenjang lir ibaji ashi aser parnok ajaba koda temsüa jajatsü iba indang ashi. Pai temeim nung ochi jembitsü aser taküm tasen sobutsü ashi. Na ain adokra, tai temena ta pai parnok dang ashi. Ain adokra yakta süngzüktsü ashi kechiaser ain adokbai tesendaktep raksar. Pai ya tejangja ashi tangar mezüngmeshia mesüra tangar yirudakja tiyazü o ain adoka mejembitsü ashi. “Ne tebang nungi o tamajung ka danga tatokdaktsü.”
Kari ashir, “Ajok aser lung agi kü terüt raksatsütsü akok, saka O agi ni kodanga meyurutsütsü.” Aji kanga shidak masü! O agi takok tashi atsünger aser kanga mejungi yirutsür. Asenoki tangar ajungshitsü angatetdaktsütsü O jembitsüla. “Yangluang mesüra shibangang.” Yakobi ashir “temeliji mi lir” (Yakob 3:6), aser tasütsü miim agi sünga lir (3:8). Ne bang nungi ken o chiokbaji tanaben bena arutsü makok. Teraksa adoker. Khristan ka ama asenoki o tajung jembitsüla, kanga kümdanga jembitsüla. O tamajung jagi asenok kulisüba mapa nung timtem adokdaktsür. Khristan taginüba liba-liroji tekong ka tongmelang agi ashitsü akok. “Angashitsü karaang, jembitsü aser ain adoktsü meilungi süang” (Yakob 1:19).
Oba, tanü ni kü temeli nüka alitsü yariang. Tangar raksatsütsü masü ,yaritsü kü O tem tajungshiba otem südakjang. Amen.