Yanglushiba tetezü ajak tasen

Anungji nisung kar Khrista nung lira, pa tasen poktetba; tejenbaji süiogo; ajiang, ajak tasen kümogo. 2 Korint 5:17
Kodang Dawidi ashi, “Kü dak temulungjang tasen poktetjang, O Tsüngrem” (T. Ken 50:10). Pai Lipok 1:1 nung aliba kasa O amshir, kodang, “tetenzük nung, Tsüngremi anüng ali yanglu.” Pai teyanglushiba mulungjang ka masüngdang, saka temulungjang tasen ka asüngdang. Khristantemji keni tasen, tema nung masü, saka telunglen tasen. Parnok tanaben asoba (Yn. 3:3). Parnokji yanglushiba, angazükshiba, mesüra tanaben lishiba masü. Parnokji yanglushi. Asenok tu tasen kati meyipba masü, saka master den taküm tasen tenzüker.
Kodang nisung yanglushidir, tejen yimya, tamangba aser mezüng mapa ajak toktsür. Temenenbo odang alir, saka tasen tamangertemi itemji tasen ka nungi repranger, aser temeneni parnok joko mazüokdaktsür (Rom 6:14-18). Pai yakta tangar dang tai adoker aser tangar nungi yakta tatok meshir aser pai yakta asen Tebu dang tai nangzüker. Ibai yimya mapa ka masü, saka temulung ajunga tasen yanglushiba nungi adoker. Khrista nung taküm tasen akümba kati tanü atema nung teti taküm nung rangloker. Ibaji tang pa taküm süngjang nungi sayur. “Parnok tejang agi nenoki parnok metettsü” (Matt. 7:16, 20). Ne takümi süngjang agütsüdar ma?
Tsüngrem, Nai kü nem temulungjang tasen ka agütsüba asoshi Ne dang pelar. Tanü kü takümi Na peladakjang aser akhüm tsübudakjang.