Yemen:Anüng nungi amakdang nisung 10 asü

Sanaa, September 25 (Agencies) : Deobarnü Saudi-i aniba teloki anüng nungi Yemen Ibb province amakdang tajemba agi nisung ter (10) süogo, ta osang ajanga metetdaktsü.
Item nisung ter ya Maffrak Jibla tesemlen tepset, ta Xinhua news agency osang ajanga metetdaktsü.
Tayimtsü nungi amakertemi nisung aliba tesemtem dak rangloker amak, ta nüburtemi ashi.
“Yangi sepai, security, sorkar mesüra telungpur telok kecha mali…sensaker nüburtem dang lir,” ta yangji aliba nisung kati ashi.
Bodhbarnüa kasa teloki nisung aliba tesem nung tayimtsü agi amakba mapang yangji alir nisung 25 süogo.