Yi tongpang tanaben mesodi

~ DABA Christian Edu. Ministry,
Yongküm Fellowship, Dimapur.

Hai ! Arungma, ken meyipa reprangtangdi
Tamang nokinketer Rev. Riküm-i anir walunir 355, koda tasü tait,
Yi tongpang nung noktak.
Molungtetogo ! taküm agüja tasü tonga lumitsü,
Ongji, aser yimkong Mokochung atenshiogo ni, Nisung Meyi semer (30,000) na
Oh ! Koda atakatema Yi rongdokogo
Yi tongpang madak takok anguba benjongmong Junuary 11, 1989
Asen Ao lima Dry District anogo.

Sayangtetogo ni-i, Aor tamang lensar Nokinketertemi yi madak
takokba nisan ajungket
Naga nunger ajungmesotetogo ni,
Kohima yimtiba kin ajunga na adenshia Yi tongpang rara nung noktak.
Tamang nokinketer jenti, tasü taitertem adokdaktsü,
Mulongtetogo… taküm agüja tasü tonga lumitsü tamang walunir 125 noktak.
Anogo 4 aonung 3, mechiyongi, mejemi, memejangi rara masü no ?
Pututemi ya amadokdima ?
Hai ayimoktsüogo ni, “Dry State” yimyim ayimogo,
Naga lima Yi makaba lima.

June 29,1989, Yi temenen nungi Khristai nüchi agütsüba anogo.
Tsüa-a, Arungma junga bilemdangdi, ya atamata tongpang koktet masü no ?
Tasü tait tsüraburtemi ajungketba takok nisan,
Hai ! kechiba asen Putu-i laodaktsür ?
Shisadangdi arungjo ! ya teraksa putu
Kija taküm, kibong, lokti, oh ! teraksa putu
Senso tajung aika tashitak agi arishi leptokogo,
Hauni !, aika leper kümpang nung noktaka lirji, ya atakatema indokba yi ajemba agi masü no ?

Oh! Aramesoang, Aotsür Aor tamanger tajungtem,
Yi tongpang madak takokba nisan tanaben mesodi.
Azüng-ashidi ni, Tsüngrem tsüngdang nangzükdi.
Yi majemtsü, yi mayoktsü, yi memeimtsü, yi anema nokdaktsü.
Khrista tashi nung tasü itshidi, süra atangji Tsüngremi asen lima moatsütsü
Tsüngremi asen lima moajang.